🐘 பாகுபலி யானைக்கு வாய்பகுதியில் உள்ள காயம் அதன் இயல்பு வாழ்க்கையை பாதிக்கும் வகையில் இல்லை என்பதற்கான வீடியோ போட்டோ.ஆதாரம்வெளியிட்டு வனத்துறை அறிக்கை வெளியீடு...!!

🐘 பாகுபலி யானைக்கு வாய்பகுதியில் உள்ள காயம் அதன் இயல்பு வாழ்க்கையை பாதிக்கும் வகையில் இல்லை என்பதற்கான வீடியோ போட்டோ.ஆதாரம்

வெளியிட்டு வனத்துறை அறிக்கை வெளியீடு...!!

மேட்டுப்பாளையம் வன சரகம் கடந்த 21.06.2023ம் தேதி  இரவு உலிக்கள் பிட்டில் இருந்து நெல்லி மலை பிட்டு வனபகுதிக்கு சென்ற  BNPT Gamma Team யானை கண்காணிப்பு குழுவினர் MP20T1 பாகுபலி யானையின் நடமாட்டத்தை கண்காணித்ததில் யானையின் வாயிலிருந்து வரும் எச்சிலுடன் ரத்தமும் கலந்து வருவது கண்டறியப்பட்டது. அதன் பேரில் யானைக்கு ஏற்பட்டுள்ள காயத்தினை கண்டறிய, 

22.06.2023ம் தேதி வனப்பணியாளர்கள் அடங்கிய இரண்டு சிறப்பு தேடுதல் குழுக்கள் அமைத்து, ஓடந்துறை காப்புக்காடு பகுதியில் தேடுதல் பணியில் ஈடுபட்டனர். மேற்படி காயமடைந்த யானையை கண்டறிந்த பின், அதற்கேற்ப மருத்துவ சிகிச்சை மேற்கொள்ள ஏதுவாக, வனக்கால்நடை அலுவலர், டாக்டர்.சுகுமார் அவர்கள், ஓடந்துறை காப்புக்காட்டுக்குட்பட்ட பகுதிகளில் சிறப்பு தேடுதல் குழுவினருடன் சென்று, யானை கண்காணிக்கும் பணியில் ஈடுபட்டார். மேலும் ட்ரோன் மூலம் யானை கண்காணிக்கும் பணி மேற்கொள்ளப்பட்டது. அப்போது ஓடந்துறை காப்புக்காடு தரைபாலம் பகுதியில் யானை நடமாட்டம் கண்டறியப்பட்டது.

காயமடைந்த யானையின் நடமாட்டத்தை கண்காணித்த வனக்கால்நடை அலுவலர், டாக்டர்.சுகுமார் அவர்கள் யானையின் வாயில் காயம் ஏற்பட்டுள்ளதை உறுதி செய்ததின் அடிப்படையில், யானைக்கு மருத்துவ அலுவலர்களுக்கு பரிந்துரை செய்தார். சிகிச்சை அளிக்க உயர் அலுவலர்களுக்கு பரிந்துரை செய்தார்

பின் ஆனைமலை புலிகள் காப்பக கோவை இயக்குனர் மற்றும் வன பாதுகாவலர் ராமசுப்பிரமணியம் அறிவுறுத்தலின் பேரில்

கோவைமாவட்ட வன அலுவலர், கோவை அவர்களின் அறிக்கையின்படி, 

தமிழ்நாடு முதன்மை தலைமை வனப்பாதுகாவலர் மற்றும் தலைமை வன உயிரின காப்பாளர், சீனிவாச ரெட்டி.

அவர்களது செயல் முறை ஆணை வழங்கி, காயமடைந்த யானைக்கு மயக்க ஊசி செலுத்தி, பிடித்து காயத்தின் தன்மையை கண்டறிந்து, அதற்கேற்ப சிகிச்சை அளிக்க வனக்கால்நடை மருத்துவர்கள் அடங்கிய ஐவர் குழு 

கோவை வன கால்நடை அலுவலர் மருத்துவர் சுகுமார்

..

ஸ்ரீவில்லிபுத்தூர் மேகமலை புலிகள் காப்பக வன கால்நடை மருத்துவர் அலுவலர் 

..கலைவாணன், 

சத்தியமங்கலம் புலிகள் காப்பக வன கால்நடை மருத்துவர் அலுவலர் 

.சதாசிவம், 

முதுமலை புலிகள் காப்பக வன கால்நடை மருத்துவ அலுவலர் ராஜேஸ்குமார்,

ஆனைமலை புலிகள் காப்பக வன கால்நடை மருத்துவ அலுவலர் . விஜயராகவன்  ஆகியோர்கள் அமைக்கப்பட்டது.

23.06.2023 தேதி ஆனமலை புலிகள் காப்பக கோவை  வனப்பாதுகாவலர் மற்றும் கள் இயக்குநர், ராமசுப்பிரமணியம் அவர்களது உத்திரவின்படியும்,

 கோவை மாவட்ட வன அலுவலர், ஜெயராஜ் அவர்களின் அறிவுரையின் படியும், 

கோவை மாவட்ட உதவி வனப்பாதுகாவலர் திரு.எம்.செந்தில்குமார் அவர்கள் வன விரிவாக்கம்மாவட்ட உதவி வன பாதுகாவலர் தினேஷ்குமார். வன சரக அலுவலர் ஜோசப் ஸ்டாலின். ஆகியவர்கள்

 மேற்பார்வையில் 

கோவை கோட்டத்திலுள்ள வனப்பணியாளர்கள் மற்றும் வேட்டைத் தடுப்புக்காவலர்களை கொண்டும், பொள்ளாச்சி யானை கண்காணிப்பு குழுவினரை கொண்டும் மற்றும் வனத்துறை மோப்ப நாய்களான வளவன். மற்றும் பைரவன் ஆகிய நாய்களையும் வரவழைத்தும்,

வனப்பணியாளர்கள் 72 நபர்கள் அடங்கிய  சிறப்பு குழுக்களாக பிரிக்கப்பட்டு காயமடைந்த யானை ஓடந்துறை. ஜக்கனாரி

கல்லார். எஸ்டேட். செக்கு டேம். சம்ஸ் போர்டு. லீடிங். நடுத்திட்டு குமரி காடு. .

சுண்டப்பட்டி. தரை பாலம். உலிக்கள். நரி பள்ளம் மாம்பட்டி 

 நெல்லி மலை. தாசம்பாளையம் குரும்பலூர் கிட்டாம்பாளையம் அருகே உள்ள வனப்பகுதியில்

நடமாட்டம் மற்றும் உடல்நலம் குறித்து பாகுபலி யானையை கண்காணிக்கும் பணியில்ஈடுபட்டனர்.

மேற்படி மருத்துவ குழுவினர் யானையின் நடமாட்டங்களை பகல் மற்றும் இரவு நேரங்களில் காயமடைந்த யானை செடி, கொடிகளை ஒடித்து உண்ணும் போது முழுவதும் உள்ளே செல்கிறதா..?

 அல்லது வாயிலிருந்து வெளியே வந்து விழுகிறதா என்பதையும், துதிக்கையில் உறிஞ்சி தண்ணீர் குடிக்கும் போது முழுவதும் உள்ளே செல்கிறதா..?

 அல்லது வாயிலிருந்து வெளியே வந்து விழுகிறதா என்பதையும் தொடர்ந்து கண்காணித்தனர். மேலும் காயமடைந்த யானையை பிடித்து சிகிச்சை அளிக்க உதவிட முதுமலை புலிகள் காப்பகத்தில் உள்ள யானைகள் வளர்ப்பு முகாமில் இருந்து வசிம் மற்றும் விஜய் என்ற இரண்டு கும்கி யானைகள் முதுமலையிலிருந்து வரவழைக்கப்பட்டது.

தற்போது காயமடைந்த யானை, நாளுக்கு நாள் முன்னேற்றம் அடைந்து 

வாழை, பாக்கு, கூந்தப்பனை, மாங்காய், மூங்கில், சீங்கை கொடி, மரப்பட்டைகள், பலா மற்றும் புல் புண்டுகளை நல்ல முறையில் கடித்து சாப்பிடுவதும், தண்ணீர் நல்ல முறையில் குடிப்பதும், யானையின் சாணம் மற்றும் சிறுநீர் கழிப்பது நல்ல முன்னேற்றம் கண்டுள்ளதாகவும், வாயில் இருந்து வரும் உமிழ்நீர் நல்ல முறையில் உள்ளதாக, வனப்பணியாளர்கள் அடங்கிய மருத்துவகுழுவினரால் கண்டறியப்பட்டது. மேற்படி யானைக்கு ஏற்பட்ட காயமானது, இரண்டு யானைகளுக்கு இடையே ஏற்பட்ட நட்பு மோதல் காரணமாகவோ, மரங்களை உடைத்து உண்ணும் போது ஏற்பட்ட குத்து புண்கள் காரணமாகவோ ஏற்பட்டிருக்கலாம் என மருத்துவகுழுவினர் தெரிவித்துள்ளனர். மேலும் யானைக்கு ஏற்பட்டுள்ள இந்த காயமானது அவுட்டுகாய் என்ற நாட்டு வெடிகுண்டினால், ஏற்பட்டிருக்க வாய்ப்பில்லை என கால்நடை மருத்துவ குழுவினர் தெரிவித்தனர்,

எனவே காயமடைந்த யானை தற்போது உடல் நிலையில் முன்னேற்றம் ஏற்பட்டுள்ளதால், மயக்க ஊசி செலுத்தி, பிடித்து சிகிச்சை அளிக்க தற்போது அவசியம் ஏற்படவில்லை என்று வனக்கால்நடை மருத்துவகுழுவினர் 28.06.2023 அன்று மருத்துவ அறிக்கை அளித்துள்ளனர். அதனை தொடர்ந்து MP20T1 பாகுபலி யானையினை மயக்க ஊசி செலுத்தி பிடித்து சிகிச்சை அளிக்கும் பணி தற்காலிகமாக நிறுத்தப்பட்டு மருத்துவகுழுவினரின் பரிந்துரை படி, MP20T1 காட்டு யானையினை தொடர்ந்து அதன் உடல்நிலையினை கண்காணிக்கவும், அது நடமாடும் காப்புக்காட்டை ஒட்டிய வனப்பகுதியில் மருந்து, ஊட்டச்சத்து மாத்திரைகளை பழங்களில் வைத்து அளிக்கும்பணி செயல்முறைபடுத்தப்பட்டு வருகிறது. கால்நடை மருத்துவ குழு அவர்களின் பரிந்துரையின்படி சிறுமுகை, காரமடை மற்றும் மேட்டுப்பாளையம் வனசரக அலுவலர் ஜோசப் ஸ்டாலின்  மேற்பார்வையில் வனப்பணியாளர்களை கொண்டு யானையின் நடமாட்டம் தொடர்ந்து கண்காணிக்கப்பட்டு வருகிறது. என வனத்துறையின் செய்தி குறிப்பில் குறிப்பிட்டுள்ளது

🌳 கே தமிழகம் சேட் ✍️