🐘 யானை பசிக்கு சோளப்பொரி என்பது பழமொழி. ஆனால், பொரி வீசி காட்டுயானையை விரட்டிய பயணிகள்...! 🐘முதுமலை அரிசி ராஜா PM2 மக்னா யானை பொதுமக்கள் குடியிருக்கும் பகுதிக்கு செல்லாமல் இருப்பதற்கான தடுப்பு நடவடிக்கைகளில் வனத்துறையினர்...!

🐘 யானை பசிக்கு சோளப்பொரி என்பது பழமொழி. ஆனால், பொரி வீசி காட்டுயானையை விரட்டிய பயணிகள்...! 

🐘முதுமலை அரிசி ராஜா PM2 மக்னா யானை பொதுமக்கள் குடியிருக்கும்  பகுதிக்கு செல்லாமல் இருப்பதற்கான தடுப்பு நடவடிக்கைகளில் வனத்துறையினர்...! 

நீலகிரி வனக்கோட்டம் கோத்தகிரி வனசரகம் 

கீழ்த்தட்ட பள்ளம் சாலையில் காட்டு யானைகள் முகாமிட்டு வருகின்றன. இந்தநிலையில்  கீழ் தட்டபள்ளம் அருகே சாலையின் குறுக்கே ஆண் காட்டு யானை நின்று கொண்டிருந்தது. இதனால் போக்குவரத்து பாதிக்கப்பட்டது. 

இதை பார்த்த வாகன ஓட்டிகள் சற்று தொலைவில் தங்களது வாகனங்களை நிறுத்தினர்.

ஆனால், திடீரென வாகனங்களை நோக்கி யானை ஓடி வந்தது. 

தேனி மாவட்டத்தில் இருந்து கோத்தகிரியை நோக்கி வந்த அரசு பஸ்சை தாக்குவதற்காக பஸ்சின் அருகே வந்தது. 

இதனால் பயணிகள் அச்சத்தில் உறைந்தனர். பஸ்சில் இருந்த பயணிகள், 

கொண்டு வந்திருந்த பூஜை பொருட்களில் இருந்த பொரி, பூவை சாலையில் தூக்கிப் போட்டனர். இதனால் பஸ்சை தாக்க வந்த யானை, பாக்கெட்டை உடைத்து கொட்டி பொரியையும், பூவையும் தின்றது.

ஒருவர், சாலையில் கிடந்த மற்றொரு பழம் பொரி பாக்கெட்டை எடுத்து சாலையோரத்தில் இருந்த பள்ளத்தில் வீசினார். 

அதை கண்ட யானை அந்த பொரியை தின்பதற்காக பள்ளத்தில் இறங்கி சென்றது. 

இதனால் பயணிகள் மற்றும் வாகன ஓட்டிகள் நிம்மதி அடைந்தனர். யானை அங்கிருந்து சென்ற பின்னர் போக்குவரத்து சீரானது. 

அரசு பஸ்சை தாக்க வந்த யானைக்கு, பயணிகள் தங்களிடம் இருந்த பொரியை வீசிய போது, யானை பொரியை சுவைத்தபடி அங்கிருந்து சென்றது என்று கூறப்படுகிறது. 

இதுகுறித்து வாகன ஓட்டிகள் கூறும்போது, கோத்தகிரி. அர வேனனு.

 தட்ட பள்ளம் முள்ளுர்.  குஞ்ச பனை. மேட்டுப்பாளையம் சாலையில் கடந்த 6 மாதங்களாக ஒற்றை ஆண் காட்டு யானை நடமாட்டம் அதிகரித்து உள்ளது. இந்த யானை அரசு பஸ்கள், தனியார் வாகனங்களை தாக்கி சேதப்படுத்தி, தொடர்ந்து இடையூர் செய்து வருகிறது. எனவே, காட்டு யானைகளை சாலையை கடக்கும் முன் வனத்துறையினர் பொதுமக்களுக்கும் வன உயிரினங்களுக்கும் பாதுகாப்பு வழங்கிட முதுமலை புலிகள் காப்பகம் இயக்குனர் மற்றும் வன பாதுகாவலர் வெங்கடேஷ். நீலகிரி மாவட்ட ஊட்டி வன கோட்டமாவட்ட வன அலுவலர் கௌதம் ஆகியோர்கள் நடவடிக்கை எடுக்க வேண்டும் என்றனர்.

முதுமலை புலிகள் காப்பகம் சீகூர் வன சரகத்தில் உள்ள காங்கிரஸ் மட்டம் அடர்ந்த வனப்பகுதியில் அரிசி ராஜாPM2 மக்னா யானை விடப்பட்டது. 

தொடர்ந்து வன ஊழியர்கள் கண்காணித்து வந்தனர். இந்த நிலையில் நேற்று முன்தினம் நள்ளிரவு மக்னா யானை இடம்பெயர்ந்து ஆனைக்கட்டி, வாழைத்தோட்டம் வழியாக மசினகுடி வனப்பகுதிக்குள் 15 கி.மீட்டர் தூரம் இடம் பெயர்ந்தது. 

தகவல் அறிந்த முதுமலை புலிகள் காப்பக இயக்குனர் வெங்கடேஷ் முதுமலை வனக்கோட்டதுணை இயக்குனர் வித்யா. மசனகுடி வன கோட்ட துணை இயக்குனர் அருண்குமார். சீகூர்வன சரக அலுவலர் முரளி. தெப்பக்காடு வன சரக அலுவலர் மனோஜ் குமார். மசனகுடி வன சரக சிங்கார சிங்காரா சரக அலுவலர்.. ஜான் பீட்டர். ஆகியோர்கள் மேற்பார்வையில்  

60க்கும் மேற்பட்ட வன பணியாளர்கள் 9 கும்கி யானைகளுடன்  விரைந்து சென்று மக்னா யானையை சுற்றி வளைத்தனர். 

தெப்பக்காடு கூடலூர் பகுதி பொதுமக்கள் குடியிருக்கும்  பகுதிக்கு செல்லாமல் இருப்பதற்கான தடுப்பு நடவடிக்கைகளில் வனத்துறையினர் தொடர்ந்து ஈடுபட்டு கண்காணித்து வருகிறார்கள் 

மேலும் 

வனத்துறையினர் கூறுகையில்

PM-2 யானை காட்டிற்குள் தான் சுற்றி வருகிறது. ஆனால் எந்த ஒரு மனித வாழ்விட பகுதிகளுக்குள் செல்வதில்லை. இருந்தாலும் வனத்துறையினர் தொடர்ந்து அதை கண்காணித்து  வருகிறனர் 

ஒரு யானையை ஒரு இடத்திலிருந்து புதிதாக ஒரு இடத்திற்கு கொண்டு சென்று விடும் பொழுது அது திக்கு தெரியாமல் காட்டில் சுற்றி வரும். பல்வேறு யானைகளுடன் சேர்ந்து புதிய இடத்திற்கு செல்ல முயற்சிக்கும். அந்த நேரத்தில் நாம் அதை முறையாக தடுத்து நிறுத்தி விடப்பட்ட இடத்திற்கே மீண்டும் அனுப்ப வேண்டும். அவ்வாறு தொடர்ச்சியாக செய்யப்படும் பொழுது தான் கடைசியாக அந்த யானை அந்த காட்டில் ஓரிடத்தில் செட்டில் ஆகும். தற்போது மோயார் பள்ளத்தாக்கிற்கும் கூட்டூரபாறை வேட்டை தடுப்பு முகாமிற்கும் இடையே யானை உள்ளது.  இதுவரைக்கும் யானை எந்த ஒரு குடியிருப்பு பகுதிகளுக்கும் சொல்லவில்லை என வனத்துறையினர் தெரிவித்தனர்

🌳 கே தமிழகம் சேட் ✍️